منتديات سودان ايس
حبابكم عشره في منتديات سودان ايس

منتديات سودان ايس



 
الرئيسيةالبوابةالتسجيلدخول

شاطر | 
 

 تتعلم مصيرك بكره تتعلم وتعرف كيف يكون الريد وكيف الناس بي تتألم

اذهب الى الأسفل 
كاتب الموضوعرسالة
همس المشاعر
ايس جديد
avatar

انثى
عدد المساهمات : 3
تاريخ التسجيل : 03/03/2010

مُساهمةموضوع: تتعلم مصيرك بكره تتعلم وتعرف كيف يكون الريد وكيف الناس بي تتألم   الأربعاء مارس 03, 2010 10:31 am

بسم الله الرحمن الرحيم

اول حاجه سلام ليكم كلكم شباب بنات المنتدى الغالي والمتميز والرائع
(سودان ايس)
ان شاء الله حنزل اول روايه لينا
همس المشاعر*فامبير*نونا
تحيه لينا شكرا ليكم شكرا po

الروايه حلوه وفيها اكشن ومغامرات
وبدور احداثها بين الواقع والخيال
وبالهجه العاميه لهجتنا السودانيه الاصيله
طبعا عنوانها
(تتعلم مصيرك بكره تتعلم وتعرف كيف يكون الريد وكيف الناس بي تتألم)

بسم الله على بركة الله
البارت الاول

دخلت البيت لقت الكل وصل وقاعدين بتغدوا
هنادي:سلام دار قوم مؤمنين
هاله:لاسلام في الطعام
هنادي قعدت في السفره بملابس المدرسه وقالت لهاله ناوليني صحن السلطه
امها بتعاين فيها مستغربه وبنظره : هنادي
هنادي:خبرك
ام هنادي: انت ماحاسه فيه حاجه غلط
هنادي: طبعا محمد يده طايشه في الصحن
ام هنادي: محمد ها
هنادي: أي
ام هنادي: قومي أمشي غيري واستحمي بعد داك فكري في الاكل
هنادي: حاااااااااااااااااااااااااااااضر
وقامت مشت
ابو هنادي: ماشاء الله الولاء والطاعه نزلوا عليها من السما متين
هاله:بابا انت ماعارف هنادي تابت لله توبه نصوح وامبارح اخدت درس في بر الوالدين وعايزه تطبق تطبيق عملي
محمد : أصلوا ما معقول
نعرفكم بأسرة ناس أبو هنادي
أبو هنادي (عبدالله أحمد)54سنه بشتغل مدير قسم الصيانه في شركه معروفه راجل دوبلوماسي في كل حاجه دمه خفيف طوله متوسط أسمراني وجيه لكن عيبوا الوحيد (اتق شر الحليم اذا غضب)
أم هنادي (فاطمه محمد) 42سنه مره جميله مثقفه همها مصلحة عيالها وفيه بتضحي كتير مثال للام والزوجه المثاليه طولها متوسط قمحيه عيونها عسليه شعرها اسود يعني بالمختصر المفيد جميله خريجة جامهة الخرطوم كليه الاقتصاد
(هنادي)البت البكر 17سنه 2ثانوي جميله فيها جاذبيه فظيعه شعرها لين كتوفها لا اسود لابني أنا زاتي احترت لونه شنو جسمها خطييير سمرا سمارها حلو عيونها سودا فيها شبه كتير من ابوها بتحب الهزار والمقالب انسانه حركيه وهي وحده من ابطال الروايه
(هناء)15سنه البت التانيه شاطره همها قرايتا صعبه وعنيده الفي راسها بتسويه كن شنو شنو حلوه طالعه لامها نسخة امها بس هي قصيره
(محمد)12سنه التالت سادس ابتدائي ود مستهبل قصير ما اسمر ولا قمحي بين الاتنين ديل شعره اسود عيونه اسود ومجنون بلاي ستسيشن
(هاله) البت الرابه مدلعه وشايفه حالها حلوه خامس ابتدائي 10سنوات انسانه بتحب السيطره عامله رئيسه عصابه لعيال وبنات العايله المحترمين
البص بتاعهم
(احمد)4سنوات اخر العنقود روح البيت مجنون سيارات وتصوير قمحي قصير ود عسل وبجنن

دخلت البيت وهي بتكورك يا ماما ياماما تعالي شوفي ولدك المتخلف
أم خالد : يابت مالك صراخك ده واصل اخر الشارع
مياده:وليد داير يضربني
وليدجا داخل البيت :أقسم بالله الليله مابخليك
أم خالد : وليد صلي على النبي
وليد: عليه الصلاة والسلام لكن البت دي حتنضرب حتنضرب
ام خالد: ياخي عملت شنو
مياده:ماما والله ماعملت حاجه انا بريئه
وليد : لاوالله صدقت انك بريئه ماعملت حاجه أنا قاعد ملطوع ساعه برى عشان تتطلعي ولما طلعتي جايبه لي معاك ست الحسن والدلال سهى قال وهو بقلد في مياده وليد سهى ما كانت عارفه انو الانصراف الليله الساعه وحده الا ربع فقلتليها تعالي معاي أوصلك واصلا بيتكم في طريقنا يعني مافي أي مشكله شغال سواقك الخاص أنا والا في خدمة التوصيل المجاني وانا ما عارف
أم خالد:عليك الله ياولدي علشان وصلت البت عاملينا صافوطه
وليد: امي ياخ البت دي انا مابطيقالما بشوفها تقول شايفلي عفريت
مياده:ههههههههههههههههههههههههههههههههههه عليك الله اول مره بعرف
وليد:امي فكيني خليني نوريها شغلها اصلا هي قاصده تعمل الحركه دي
عشان تغيزني بس
مياده: طبعا لازم ارد ليك الحركه بتاعت امبارح
وليد: كويس يامياده انا بعرف بنظمك تمام
مياده: هه ومشت خلتهم
طبعا نعرفكم بأسرة ناس ابو خالد ثاني اسره معانا
أبو خالد (أيمن ) 55سنه راجل ظريف بشتغل مدير قسم تنفيذي في شركه معروفه قمحي بحب السفر والرحلات والجمعات العائليه طويل لكن ما داك الطول البقولو عليه عيونه عسليه شعره اسود تعاملوا مع الناس راقي صديق ابو هنادي روح بالروح
(أم خالد)42سنه جميله وهادئه ومسالمه مابتحب تزعل زول نهائي بتموت في الطبخ والتنسيق دي هوايتها المفضله شعرها طوال اسود عيونها سوده طولها متوسط خريجة جامعه الجزيره كلية التمريض
(خالد)26سنه البكر كابتن طيار في الخطوط الجويه السودانيه ياجماعه خلونا نتخيل انوا الطيران السوداني مواعيد خواجات خدمات ممتازه أحسن من الطيران السعودي طبعا ده بس في روايتنا طويل بشيل حديد وجيه عامل سكسوكه خطيره ظريف فيه شويه من الجديه لكن عسل بحب المغامرات مجنون أفلام اكشن ورعب
(وليد)22سنه 3جامعه كلية ادارة اعمال ود لعاب بتاع بنات بس عايش حياته ماهمه زول متهور بطرشق سريع ود وجيه طبعا متوسط الطول طبعا شعره اسود ناعم عيونه سوده بتاع كلام بس
(مياده)17سنه 2ثانوي صحبة هنادي روح بالروح لفيفه لفافه ماعاديه بت عسل حلوه شعرها ناعم طوله وسط صبغتوا بلون بني عوينها عسليه طولها متوسط في الكذب مافي زول بلحقها هي وهنادي
(مراد)12سنه سادس ابتدائي ود عبيط شديد يتلصق في الحاجه ما بفكها هو طويل بس ماشديد تديوه اكبر من عمره اسمراني شعره مجعد بتاع مقالب وريط
(رغد) 4سنوات البت دي لئيمه شديد مدلعه لابعد الحدود شي بتشوفه بتقول دايراه حلوه وشينه بنفس الوقت حلوه شكليا وشينه في الطبع شعرها الصلاه على النبي مابترضا زول يمسكو ا نهائي
قاعده تتفرج في التلفيزيون فلم كااااارب في mbc2ومندمجه دخل أخونا في الله وقال السلام عليكم
أريج مندمجه ولا ردت عليه
أسامه : نحن هنا
أريج : لا حياة لمن تنادي ولاهي هنا
أسامه: قام وشال الريموت وغير المحطه
أريج: يامتخلف رجع المحطه وجيب الريموت احسن ليك
أسامه: طنش طنش طنش طنش
أريج:أســـــــــــــــــــــــــــــــــامه
أسامه: قلتي حاجه
أريج:جيب الريموت
أسامه: عايز أحضر المسلسل
أريج: من متين انت بتحضر مسلسلات
أسامه : من الليله دي
أريج: أسامه ياخ ما تبطل عبط وجيب الريموت والله الفلم كااااااارب
أسامه:طنش طنش طنش طنش
أريج: خليت ليك الصالون كله أشبع فيه ومشت الغرفه وشغلت التلفيزيون وكملت الفلم
عايلة ناس أبو عبد العزيز
أبو عبد العزيز(عمر) 57سنه مدير تحرير جريده عندو وقت اللعب لعب ووقت الجد جد بحب شغلوا شديد ملتزم بمواعيده طبعا دي حاله خاصه جدا بين الشعب السوداني اسمراني طويل ليه هيبه أنيق
أم عبد العزيز (سميه)44سنه دكتورة نساء وولاده شاطره في شغلها



(عبد العزيز) 28سنه مصمم دعايه واعلان انسان عاقل واعى بحب النظام فيه شوية عصبيه لكن حبوب
وسيم طبعا هادئ



(أسامه)25سنه موظف استقبال في فندق
حساس وحنون وكتوم ما بتقدروا تعرفوا سره انيق وبحب الاناقه في كل حاجه


(أميره)22سنه 3جامعه كليه الصيدله انسانه انانيه ماهمها الا نفسها عنيده ما بتقتنع بسرعه في الحاجه شاطره حلوه بامانه لكن أخلاقها زفت

(أريج) 20سنه اولى جامعه هندسة اتصالات انسانه حبوبه وطيبه بتحب الخير لكل لناس عكس أميره تماما حلوه



اليوم الخميس الساعه 8 صباحا
في بيت ناس هنادي
ضرب جرس الباب
أم هنادي : ياهاله قومي افتحي الباب
هاله: منو تقيل الدم البجي هسي ده وقت زيارات
أم هنادي: ديل ناس خالد ناسيه انت الليله ماشين نتغدا في البحر
هاله: اهاااااااااااااااااااااااااااا ومافي غيري انا البفتح الباب
أم هنادي : هاله
هاله: قايمين ياخ
هاله فتحت الباب : والله انا قلت مافي زول بضرب الجرس زي ده الا انت
ما عندك ذووووق
مراد: عليك الله زحي من طريقي بس ناقصك انا محمد وين
يا محمد محمد
محمد: مراد انا هنا في المجلس (الديوان) قاعد في السوني جبت شريط كاارب
هاله: هي انت داخل بيت ابوك وكاله من غير بواب
مراد : اللسان ده جبتيه من وين
هاله: جبتوه من محل ما جبتوه قالوا الللقافه قتلت حماااااااااااااار
مراد:طيري
أم خالد جات داخله : هاله اخبارك
هاله :تمام يا خالتوا
مياده جات بيوراها :هاله اخبارك هنادي وين
هاله: تمام في المطبخ
مياده: هنادي هنادي
هنادي:انا في المطبخ تعالي هنا
أم خالد :اهلا فاطمه اخبارك الله يسلمك الله يبارك فيك
أم هنادي تمام الله يسلمك الله يبارك فيك كيف ايمن والعيال
أم خالد : تمام والله

خالد وهو جاي داخل لقى جنب باب العماره كديسه اول ما شافها جات في باله خطه جهنميه شالها وطلع
ضرب الجرس هاله فتحت الباب: اهلا خالد
خالد : اخبارك
هاله: تمام تعال هنا شايل الكديسه دي ليه
خالد:هههههههههههههههههههههههههههه الكديسه دي انا شايلها لمهمه خطيره
هاله: وشنو المهمه الخطيره الحتستخدم فيها الكديسه
خالد: ياحلوه عايز اعمل مقلب في هنادي
هاله:مقلب في هنادي هههههههههههههههههههههه ما محتاج مساعده
خالد : طبعا هنادي وين
هاله :في المطبخ بس معاها مياده
خالد:خلاص اسمعي امشي قوليليها انوا ابوي عايزك في المجلس
هاله: وبعدين
خالد: انتي سوي القلتوا ليك هسي
هاله مشت المطبخ : هنادي بابا عايزك في المجلس
هنادي : بابا ما فيش فات مع عمو ايمن دايره شنو
هاله :ياخ بابا هسي جا وقليك جيبي معاك مويه
هنادي: خلاص طيب
مياده : اقسم بالله كدابه
هنادي: عارفه وقامت وشالت معاها كوبايتين عصير ومشت
اول ما دخلت مالقت زول خدت صينية العصير لفت لقت السوني شغال دايره تمرق الا الباب يتقفل وبورى الباب الكديسه قاعده مياااو مياو مياو
هنادي: بسم الله الرحمن الرحيم الكلاب متفقين على
هنادي قعدت تلعب بالسوني وقاعده بتعمل نفسها بتصرخ:ياماما الحقيني انا دار أموت انا دار أموت ياما ما تعالي شوفي الكلاب ديل عملوا فيني شنو وهي قاعده تلعب بالسوني (تمويهات)
والكديسه المسكينه البريئه حشرت نفسها في الركن
طبها عمك خالد مبسوط على الاخر وبيضحك
وهاله:تستاهل وهي بتقلد هنادي انا ما بخاف من أي شي
مياده جات :هنادي وين
خالد :ماسامعه الصراخ ده كلوا
هنادي بي جوا : ياماما انا انتهيت خلاص خلاص اقري على روحي الفاتحه وجهزي الكفن وسامحني ياماما
مياده :ليه عملتو شنو
هاله : ولا حاجه بس خلينا الكديسه معاها
مياده: هههههههههههههههههههههههههههه خالد ههههههههههه أفتح الباب ههههههههههعليك الله دايره اشوف شكلها وهي بتصرخ كده
خالد :لا باقي 5دقايق
هاله: لا 10 دقايق
مياده:ياخ اللحظه التاريخيه دي لازم تتصور وطلعت الموبايل وفتحت الكاميرايلا ياخالد أفتح الباب
خالد فتح الباب
هنادي:عايزن تلعبوا معي تعالوا والله الكيم سخن
خالد:؟؟؟؟؟؟؟؟؟؟؟؟؟؟
مياده:فاتحها فمها
هاله: وين الكديسه
هنادي :كديسه ؟؟؟والله ما عارفه مياده تعالي كملي الكيم انا ماشه أعمل الشندوتشات قبل ما ماما تعملني شاورما وطلعت وهي بتضحك
خالد:البت دي فظيعه الكديسه زاتوا خافت منها
هاله:والصراخ داك كلو في الفاضي
مياده:والله يا هنادي خطيره مقلبتكم لكن ههههههههههههههههههههههه ومشت وخلتهم

ماشي في المول هو و وليد وشويه تجي بت قداموا متلثمه وعامله حركات
وليد:حسام شوف المزه دي
حسام:جامده لكن
وليد:بتفكر في اللي انا بفكر فيه
حسام: sour
وليد: خلا ص نقول بسم الله
وبدوا يمشوا بي وراها وشابكينا ليك ياعسل ياقمر يامنكه
وهي في حالة طنااااش
حسااام جرئ
مشى حسام لعبير :ياعسل احنا من قبيل بنادي فيك ليه ما بتردي وطبعا عبير مستغربه اول مره تشوف ود جرئ زي ده عاينت فيهوا اتاملتوا ولقت الوجاهه مقطعه بعضها قالت في نفسها: حشبكوا لكن ما هسي لما ارووووق
عيانت فيهوا وقالت : ياود الناس احترم نفسك وأدتوا نظره احتقار ومشت
وليد عاين لحسام :شفت المسطوله دي عملت شنو
حسام: بسيطه حوريها
عبير قاعده تتمشى في المول تدخل من محل لي محل وحسام ووليد بي وراها
موبايل عبير بيرن
عبير :هلا رورو
رؤى : انت وين
عبير : انا هسي ماشه الكوفي القاك هناك
رؤى : اوك
عبير دخلت الكوفي بتفتش بيعيونها على رؤى
رؤى أشرتليها عبير مشت لرؤى أول ماقعدت
حسام طوالي قعد في الكرسي الجنبها
حسام:اسمعي ماتتحديني احسن ليك
عبير:؟؟؟؟؟؟؟؟؟؟؟؟؟؟
حسما: واي حاجه أوقلها تتنفذ
وطلع من جيبوا الرقم
حسام:الساعه 6 تضربي وقام وخلاها ومشى
عبير:؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ مصدومه
رؤى : ما تشتغليبيهوا واحد تافه داير يخوفك بس وكملوا البنكوا بتاعهم وقاموا
طلعوا برا الول ووقفليهم سيد ركشه (الليموزين) ركبوا وحسام ووليد بي وراهم
ماشين ماشين ماشين ماشين ماشين ماشين ماشين ماشين
زوتها صح
وصلوا عبير ورؤى البيت نزلوا من الركشه ودخلوا
حسام:حلو مشينا
نعرفكم بي حسااام
هي انا من حسام وجيه طويل وسيم بمعنى الكلمه صاحب وليد في الجامعه وطبعا عسكر بنات الجامعه وبنات الجيران حسام بختلف عن وليد انوا مهندس حاسب لكن يا جماعه حسام ده حيرنا عديل كده بنات جده دايبين فيهوا سعوديه على سودانيه
(عبير) شخصيه جميله ورقيقه بتحب الاولاد يهتموا بيها الحاجه الماحتصدقوها انوا عمرها 16سنه
(رؤى) بت مسلطه عندها طولة لسان المهم البت دي قصيره ما سمحه شديد عاديه بتغير من عبير شديد

ناس أريج في حالة فوضى لأنهم حيمشوا البحر مع ناس هنادي أبو هنادي عزمهم
أريج: أميره وين المسكره بتاعتي
أميره: فتيشيها
أميره :أريج ألبس البنطلون الجنز الاسود
أريج: ألبسي البريحك المهم خليصينا
امهم جات ودخلت عليهم : يا سجم الرماد انتي وهي خليصينا أبوكم من قبيل تحت
أسامه وعبد العزيز قاعدين في الصاله بقطعوا في البنات
أسامه: انت عارف يا عزوز البنات ديل ماعندهم أي موضوع الوحده تعمليك مكياج فل اب واذا غسلتوا امممم ما بتقابلوا
عبد العزيز: ياود أقعد ساي ديل أخواتك >>>>>>>>ياعيني على الاخوه
أسامه : خوخه تسد حلقك احنا قاعدين ساعه وما خلصوا لبس
خلصوا لبس ومرقوا الصاله أبو عبد العزيز: الواحد حقوا يخلي ليكم المرقه


البارت الاول انتهى ان شاء الله يعجبكم
بنستنى توقعاتكم للبارت الجاي
تتوقوا في البحر حيحصل شنوا
عبير حتضرب والا لا

في انتظار توقعاتكم
سلاااااااااااااااااااااااااااااااااااااااااااااااااام
مع خالص حبنا
همس المشاعر
فامبير
نونا
الرجوع الى أعلى الصفحة اذهب الى الأسفل
NONA
Admin
avatar

انثى
عدد المساهمات : 246
تاريخ التسجيل : 09/02/2010
العمر : 25
الموقع : calling you

مُساهمةموضوع: رد: تتعلم مصيرك بكره تتعلم وتعرف كيف يكون الريد وكيف الناس بي تتألم   الخميس مارس 04, 2010 6:45 am

كع كع كع دي روايتنا الخطيره ديكـــ

ههههههههههههههه بنات قاعدين نكتب الروايه وين بي الضبط

______ التوقيع _______


الرجوع الى أعلى الصفحة اذهب الى الأسفل
http://www.soudanice.dahek.net
vampire
Admin
avatar

انثى
عدد المساهمات : 100
تاريخ التسجيل : 09/02/2010
العمر : 25
الموقع : في محل البنقو الجمب الترعه الوقع فيا الحصان الكان بيسوقو الراجل العينو مقدوده القدتا ليو بتو الفي سنه ساتا الراسبه مرتين بسبب الاستازه العندا بتين وحده ميته ووحده عفصتا عربيه وهي على وشك الموت عرفتو انا وين

مُساهمةموضوع: رد: تتعلم مصيرك بكره تتعلم وتعرف كيف يكون الريد وكيف الناس بي تتألم   الجمعة مارس 05, 2010 1:15 pm

هيييييييييييييييي
الروايه ماعجبتكم ولاشنو
ياخي واللهي دي مضيعين فسحتنا عشانا
اسي ما الاقي ردود
سمح بس
الرجوع الى أعلى الصفحة اذهب الى الأسفل
http://soudanice.dahek.net
memo
مراقب عام
avatar

انثى
عدد المساهمات : 11
تاريخ التسجيل : 13/02/2010

مُساهمةموضوع: رد: تتعلم مصيرك بكره تتعلم وتعرف كيف يكون الريد وكيف الناس بي تتألم   الثلاثاء أبريل 13, 2010 2:30 pm

الرواية طويييييلة لمن غلط
كان تنزلوها على أجزاء يا عباقرة
منو الحيقراها كلها كده
لكن غايتو كان فضيت و ظبطتا المزاج
انا ان شاء الله حأقراها
الرجوع الى أعلى الصفحة اذهب الى الأسفل
vampire
Admin
avatar

انثى
عدد المساهمات : 100
تاريخ التسجيل : 09/02/2010
العمر : 25
الموقع : في محل البنقو الجمب الترعه الوقع فيا الحصان الكان بيسوقو الراجل العينو مقدوده القدتا ليو بتو الفي سنه ساتا الراسبه مرتين بسبب الاستازه العندا بتين وحده ميته ووحده عفصتا عربيه وهي على وشك الموت عرفتو انا وين

مُساهمةموضوع: رد: تتعلم مصيرك بكره تتعلم وتعرف كيف يكون الريد وكيف الناس بي تتألم   الأربعاء أبريل 14, 2010 9:19 am

امشي طيري يا ميمو
وبعدين دا البارت الاول دايراو يكون سطرين بس ولا شنو
انا ما عارفه فهمك دا جايباو من وين
الرجوع الى أعلى الصفحة اذهب الى الأسفل
http://soudanice.dahek.net
memo
مراقب عام
avatar

انثى
عدد المساهمات : 11
تاريخ التسجيل : 13/02/2010

مُساهمةموضوع: رد: تتعلم مصيرك بكره تتعلم وتعرف كيف يكون الريد وكيف الناس بي تتألم   الأربعاء أبريل 14, 2010 2:21 pm

أكييد ما جايباو منك يا ماما تخلف
حتى لو الأول
برضو طويل
و بعدين احترمي نفسك
عشان ما أقول الماعاوزة اقولو
الرجوع الى أعلى الصفحة اذهب الى الأسفل
 
تتعلم مصيرك بكره تتعلم وتعرف كيف يكون الريد وكيف الناس بي تتألم
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات سودان ايس :: !¡الاقسام العامه¡! :: منتدى الروايات والقصص-
انتقل الى: